حرب البسوس

السلام عليكم ورحمة الله وبركاته


اسعد الله اوقاتكم بكل خير ه


انثر بين ايديكم هذه الابيات المتواضعه وامل ان تحوز على رضائكم واستحسانكم



كتبت لك نزف القصايد من هجوس
وانته عليك احساس نقد وترجمه
والعالم الله ماخفى جوف النفوس
تبغى الصراحه في عباره مبهمه
ماهمني زين المظاهر واللبوس
لو الذهب من فوق راسه لقدمه
والفتنه اللي ثورت حرب البسوس
باسبابها ثارت من الجو قتمه
كم قطعت من بعدها بالحرب روس
عشرين مع عشرين للخيل رهمه
مابين سيف ورمح والفازع بقوس
كلا على ماقيل يضرب بسهمه
والفارس اللي يثبت بوقت عبوس
واللي تهرب عن مواقفه رخمه
واجهت من نظرات ذيك العيطموس
افعال ابو ليلى بذيك الملحمه
الجادل اللي لقنت قلبي دروس
احفظ هواها وسط قلبي واكتمه
كان الهوى عنده تبين ومحسوس
والا اتنحى عنه قبل اعلمه
ماخاف من هرج العواذل والنحوس
الاذن صماء والشفايا ملجمه
بكره يقوم الحظ من عقب الجلوس
والصمت يزهمني بحكمه وازهمه
باطراف عين الجادل الترف النعوس
اللي يخاطبني بعينه سلهمه
نظراتها لو وجهت يم المجوس
كلا تخلى عن الهه وصنمه


وسلامتكم